नेपाली बिजुली भारतमा १९ रुपैयाँसम्ममा बिक्यो

२२ जेठ २०७९, काठमाडौंः नेपालले भारतमा विजुली निर्यात सुरु गरेको छ । नेपाल विद्युत् प्राधिकरणका अनुसार कालीगण्डकी ए विद्युतगृहबाट उत्पादित विद्युत् भारतमा १९ रुपैयाँसम्म विक्री गर्ने लागेको हो । सो विद्युत शनिबार राति १२ बजेबाट निर्यात सुरु हुने भएको छ ।

प्राधिकरणले त्रिशुली र देवीघाटबाट उत्पादित करिब ३९ मेगावाट जलविद्युत विहीबारबाट भारतलाई विक्री गर्न थालिएको थियो । यसका साथै कालीगण्डकीको जलविद्युत उत्पादन भएसगैँ प्राधिकरणले १ सय ७७ दशमलव ७ मेगावाट विद्युत् भारत निर्यात गर्ने भएको छ ।

कालीगण्डकी ए को १ सय ४० मेगावाट, त्रिशूलीको २३ दशमलव २ मेगावाट र देवीघाटको १४ दशमलव ५ मेगावाट विद्युत् भारत निर्यात गर्ने छ । शनिबार रातिबाट निर्यात हुने विद्युत्को औसत बिक्री मूल्य प्रतियुनिट ११.२ रुपैयाँ (७ भारु) रहेको छ भने ‘अधिकतम दर प्रतियुनिट १९ रुपैयाँ (१२ भारु ), न्यूनतम २.३८ रुपैयाँ ९१.४ (भारु) र औसत दर ११.२ रुपैयाँ (७ भारु) रुपैयाँमा विक्री हुने भएको छ । प्रति १५ मिनेटलाई एउटा ब्लक मानिन्छ र १५ मिनेटको ९६ ब्लक हुन्छन् । सोही अनुसार विजुलीको मूल्य पनि फरकफरक हुन्छ ।

प्राधिकरणका अनुसार बिहीबार निर्यात गरिएको विजुलीको अधिकतम मूल्य भारु १२ र न्युनतम २.४९ रहेको थियो भने शनिबार प्रधिकरणले अधिकतकम प्रतियुनिट मूल्य १९.२ रुपैयाँ र न्यूनतम ४.८ रुपैयाँ विजुली बिक्री गरेको छ ।