१ हजार ९ सय लिटर पेट्रोलसहित पेट्रोलियम पदार्थ कालोबजारी गर्ने पक्राउ -जानकारी केन्द्र

काठमाडौँ महानगरपालिका–१४ कलंकीस्थित कपिल बुढाथोकीको घरमा नाफाखोरी गर्ने उद्देश्यले पेट्रोलियम पदार्थ संचय गरी लुकाई राखी तोकेको भन्दा बढी मुल्यमा विक्री गर्ने ७ जनालाई १ हजार ९ सय लिटर पेट्रोलसहित बुधबार प्रहरीले पक्राउ गरेको छ ।
पक्राउ पर्नेहरुमा कलंकी बस्ने ३९ बर्षीय कपिल बुढाथोकी, पर्सा निर्मलबस्ती–६ का ३८ बर्षीय हरिप्रसाद तिमिल्सिना, ४७ बर्षीय टंकप्रसाद तिमिल्सिना, ३५ बर्षीय घनश्याम रिसाल, २६ बर्षीय तोकबहादुर पाख्रिन, ५५ बर्षीय रत्नबहादुर श्रेष्ठ र सिन्धुपाल्चोक तौथली–५ का २९ बर्षीय गंगाकुमार श्रेष्ठ रहेका छन् ।
महानगरीय प्रहरी अपराध महाशाखाबाट खटिएको प्रहरी टोलीले बुढाथोकीको घर अगाडि टिनको टहरोमा लुकाई रहेको अवस्थामा १ हजार ७ सय १० लिटर पेट्रोल र सोही स्थानमा रहेको बा.१ ज ६९६८ नम्बरको ट्याक्सीभित्र जर्किनमा राखेको १ सय ९० लिटर गरी जम्मा १ हजार ९ सय लिटर पेट्रोल बरामद गरेको हो ।
पक्राउ परेकाहरुलाई कालोबजारी ऐन अन्तर्गत आवश्यक कारवाहीको लागि महानगरीय प्रहरी परिसर काठमाडाैंमा पठाइएको नेपाल प्रहरी जानकारी केन्द्र लाइ बताएको छ ।