पेट्रोल कालोबजारी गर्ने यसरी पक्राउ परे – जानकारी केन्द्र

बढी मुल्यमा विक्री गर्न लुकाई राखेको पेट्रोल सहित नागार्जुन नगरपालिका–२ ठूलोभर्याङ बस्ने सुवाश कार्कीलाई प्रहरीले पक्राउ गरेको छ ।
कार्कीले अवैध रुपमा विक्री गर्नको लागि घरमा पेट्रोल राखेको भन्ने खबर प्राप्त हुनासाथ प्रहरी बृत्त स्वयम्भूबाट खटिएको टोलीले बुधबार २ सय ६५ लिटर पेट्रोल, पेट्रोल बेच्न प्रयोग हुने बोतल, पाईप, सोली र हिसाब गरेको कापी सहित उनलाई पक्राउ गरेको नेपाल प्रहरीले जानकारी केन्द्रलाइ बताएको छ ।
यस सम्बन्धमा प्रहरीले थप आवश्यक अनुसन्धान गरिरहेको प्रहरीले जनाएको छ ।