उपसभामुखको निर्वाचन आज हुँदै, रास्वपाकी राना र कांग्रेसकी यादवबीच प्रतिष्पर्धा

काठमाडौँ । प्रतिनिधिसभाको उपसभामुखको निर्वाचन शनिबार हुँदैछ । आज दिउँसो १ बजे हुने उपसभामुखको निर्वाचनका लागि दुई जनाको उम्मेदवारी परेको छ।

संसद् सचिवालयका अनुसार शुक्रबार दिउँसो चार बजेसम्म उम्मेदवारी दर्ताका लागि तोकिएको समयसीमामा दुई जनाको उम्मेदवारी परेको हो । संसद् सचिवालयका अनुसार राष्ट्रिय स्वतन्त्र पार्टी९रास्वपा०की इन्दिरा राना र नेपाली कांग्रेसकी मुक्ताकुमारी यादवको उम्मेदवारी परेको छ।

रानाको प्रस्तावकमा रास्वपाकै सोबिता गौतम छन् भने एमालेका कृष्णगोपाल श्रेष्ठ, माओवादी केन्द्रका नारायणी शर्मा र राप्रपाका राजेन्द्र प्रसाद लिङ्देन समर्थक छन् ।

यस्तै, यादवको प्रस्तावकमा कांग्रेस सांसद बद्री पाण्डे र समर्थकमा नेकपा एकीकृत समाजवादीका सांसद मेटमणि चौधरी र लोसपा सांसद सर्वेन्द्रनाथ शुक्ला छन् ।

यसअघि, प्रतिनिधिसभाको सभामुखमा नेपाली कांग्रेसकी ईश्वरी न्यौपानेलाई पराजित गर्दै नेकपा एमालेका देवराज घिमिरे सभामुख निर्वाचित भइसकेका छन् ।