प्रचण्डविरुद्ध नारा लगाउनेहरू जेल चलान

काठमाडौँ । प्रधानमन्त्री पुष्पकमल दाहाल ‘प्रचण्ड’विरुद्ध नाराबाजी गर्ने तीन जना जेल चलान भएका छन्। जिल्ला प्रशासन कार्यालय काठमाडौँले तीनै जनालाई पाँचरपाँच हजार रुपैयाँ धरौटी माग गरेको थियो। उनीहरूले धरौटी नतिर्ने अडान लिएपछि जेल चलान गरिएको जिल्ला प्रशासन कार्यालयले जनाएको छ।

नाराबाजी गर्दा सोलुखुम्बुका २३ वर्षीय उद्धव बस्नेत, बागलुङका ३० वर्षीय सोम शर्मा र बझाङका १८ वर्षीय विप्लव खड्का पक्राउ परेका थिए।

चैत ७ गते काठमाडौँको नयाँ बानेश्वरमा अन्तर्राष्ट्रिय जातीय भेदभाव उन्मूलन दिवस सम्बन्धी कार्यक्रममा पुगेका प्रचण्डविरुद्ध युवाहरूले नाराबाजी लगाएका थिए। प्रचण्डविरुद्ध नाराबाजी गर्दा प्रहरीले युवाहरूको मुख थुनेको थियो।