अमर लामालाई किन मारियो ?

किन जेलबाट छुटे पछिको अमर लामाको जिन्दगी साधारण भन्दा पनि साधारण थियो ? अर्थात् दैनिक खानपान देखि बसाई निकै सामान्य नै थियो । कुनै तामझाम थिएन । उनका दुई बच्चाहरुले पनि सामान्य स्कुलमा पढ्थे । श्रीमतीले समय समयमा पसलमा उधारो समेत किन्थिन ।

उनीसँग पैसाको छेलोखेलो कत्तिपनि थिएन । उनको यो कुरा श्रृजना टोलमा बस्ने सबैले आफै वर्षौं देखेका थिए । मैले आफै त्यो कुरा अवलोकन गरेको थिए । उनकी श्रीमतीले त्यो भेषभुषाले प्रत्यक्ष इंगित गरिरहेको थियो ।

त्यति ठूलो हत्यामा संलग्न हुँदा पनि षडयन्त्रकारीहरुले आठ दश लाख समेत लामालाई किन दिएनन् ? बिना लोभ लालच किन हत्यामा संलग्न भए त ?

उनले पैंसा नपाउनुको पछाडि उनी हत्यामा प्रत्यक्ष रूपमा संलग्न थिएनन् तर भण्डारीको अपहरण र आश्रितको ठाउँको ठाउँ हत्या प्रत्यक्ष देखेका हुनु पर्छ शायद ।

त्यो देखें बापत वा सूचना थाहा पाए बापत उनले पाउने कुरा केही थिएन बरु चुप लाग्नु पर्ने सर्त जरूर थियो होला । त्यही अनुरुप उनले प्रहरी हिरासतमा बयान दिन खोजेको देखिन्छ ।

तर यसरी चुप लागेर बस्दा पनि लामालाई किन मारियो ? यसका पछाडि थुप्रै कारणहरू बनाउन सकिन्छ । स्थानीय व्यक्तिलाई प्रयोग गर्ने, प्रयोग पछि उसको पनि हत्या गरिएको विश्वमा थुप्रै प्रकारका नजिरहरु छन् । यहाँ त्यो भन्दा पनि तल्लो स्तरमा ओर्लिएर उनको हत्या गरिएको छ । जब कि घटना भएको वा गराइएको प्रत्यक्ष देख्ने साक्षी मात्र हुन् भन्ने बुझ्न सकिन्छ ।

त्यसो भए, वीरेन्द्रको परिवार सखाप पार्ने बाकी स्थानीय एजेन्टहरु पनि मारिन सुरु हुन्छन् वा हुँदैनन् रु अनि घटना प्रत्यक्ष देखेका पारस शाहहरुको जीवन पनि खतरामा परेको छ ?