रोनाल्डोको नयाँ कीर्तिमानी, यो सिजनमा मात्रै ११ गोल

रियल मड्रिडका स्टाइकर क्रिष्टियानो रोनाल्डोले फेरी अर्को नयाँ कीर्तिमानी चुमेका छन् । च्याम्पियन्स लिगको समुह ए अन्तर्गत मंगलबार राति माल्मो एफएफसँगको खेलमा चार गोल गरेका रोनाल्डो च्याम्पियन्स लिगको समुह चरण १० भन्दा धेरै गोल गर्ने पहिलो फुटबल खेलाडी बनेका छन् ।

रियल मड्रिडको ८–० को जितमा रोनाल्डोले मंगलबारको खेलमा मात्र चार गोल गरेका छन् । रोनाल्डोले च्याम्पियन्स लिगको यो सिजनमा मात्रै ११ गोल गरिसकेका छन् । योसँगै रोनाल्डोले च्याम्पियन्स लिगको लगातार पाँच सिजनमा दोहोरो अंकमा गोल गर्ने खेलाडी पनि बनेका छन् । उनी च्याम्पियन्स लिगको एक खेलमै चार गोल गर्ने रियल मड्रिडको पहिलो खेलाडी पनि बनेका छन् । मंगलबारको खेलमा उनले ४७, ५० र ५७ औं मिनेटमा गोल गरी १२ मिनेटमा ह्याट्रिक गरेका थिए । सन् २०११ मा सात मिनेट भित्रमा ह्याट्रिक पुरा गरेका गोमिस च्याम्पियन्स लिगमा सबैभन्दा छिटो ह्याट्रिक गर्ने खेलाडी हुन् । अहिले सम्मकै सर्वाधिक गोलकर्ता रोनाल्डोले ८८ गोल गरिसकेका छन् ।

११ गोलको क्रितिमानीमा रोनाल्डो रहेसंगै उनलाई पछ्याउने खेलाडीमा बार्यन म्युनिखका रोबर्ट लेवान्डोस्की, जेनिट सेन्ट पिटर्सबर्गका अर्टायोम ज्युबा, बार्यन म्युनिखका थोमस मुलर र बार्सिलोनाका लुइस स्वारेज छन् उनीहरुले पाँच गोल गरेका छन् । उनीहरुले भन्दा रोनाल्डोले ६ गोल बढी गरेर यो सिजनमा च्याम्पियन बनेका छन् ।