शेर्पा ‘विना अक्सिजन २४ घण्टाभित्र २ पटक सगरमाथा चढ्दै’

सगरमाथा आरोहण कृतिमान कायम गर्ने शैली फरक फरक छन् । विना अक्सिजन सगरमाथा आरोहण गरेर रेकर्ड कायम गर्नेहरुपनि छन् । तर, जन्तरखानी–९ दम्मरका देण्डी शेर्पाले विना अक्सिजनको सहयोगले २४ घण्टाभित्र दुई–दुई पटक सगरमाथा सफल आरोहण गर्ने अठोट साथ अघि बढेका छन् । विभिन्न हिमालहरुको सफल आरोहण गरिसकेका शेर्पाले सन् २०१६ भित्र किर्तिमान कायम गर्ने योजना सहित अभियान सञ्चालन गरेका हुन् । पर्वतीय पर्यटनमा शेर्पाहरुले आफ्नो छुट्टै इतिहास निर्माण गरिहेको वेला शेर्पाको यो अठोटलाई अर्थपूर्ण रुपमा हेरिएको छ । भूकम्पपछिको नेपालको अवस्थालाई ध्यानमा राख्दै पर्वतारोहण अभियान सञ्चालन गरेको शेर्पाले वताए । वसन्त ऋतु पारेर आरोहण गर्ने र जसको सम्पूर्ण तयारी पूरा भएको शेर्पाले जानकारी दिए । देण्डीसँगै पात्ले–३ का ग्यालु शेर्पा लगायत ४ जनापनि आरोहणदलमा छन् । सगरमाथाको सफल आरोहणका लागि विभिन्न क्षेत्रबाट आर्थिक सहयोग जुटिरहेको देण्डीले जानकारी दिए । अभियान सफल पार्न आवश्यक सहयोगका लागि समेत उनीहरुले आह्वान गरे ।

शेर्पाखबर बाट