राजेश हमाल भन्छन, ‘ नेपाली सेनाको दुरुपयोग यसरी भयो’

महानायक राजेश हमालले बलिउड हिरोइनहरुको स्वागतमा नेपाली सेनाको दुरुपयोग भएको भन्दै आलोचना गरेका हुन् । अभिनेत्री सोनाक्षी सिन्हा र मलाइका अरोराको स्वागतमा सेनाको कार्यबाट आफूलाई हिनताबोध भएको भन्दै फेसबुकमा लेखेका छन् ।

उनले लेखेका छन् – ‘नेपाली सेना देशको गौरव हो,’ तर देशको एउटा नागरिककोरुपमा मेरो गौरव चकनाचुर भएको छ । यदि विदेशबाट आएका कलाकारलाई स्वागत गर्नु थियो भने सादा पोसाकमा जान सक्थे ।’

हिरोइन स्वागतमा सेनाको दुरुपयोग भएको भन्दै आलोचना भएपछि जनताको गुनासो सुन्ने प्रधानमन्त्री कार्यालय अन्तर्गतको हेलो सरकारले रक्षा मन्त्रालयसँग जवाफ मागेको छ ।