द्वन्द्वपीडितले उजुरी गर्ने म्याद एक महिना थप

दश वर्षे जनयुद्धका क्रममा राज्य र तत्कालीन विद्रोही पक्षबाट पीडित पक्षले उजूरी दिने म्याद एक महिनाको लागि थपिएको छ ।

सत्य निरुपण तथा मेलमिलाप आयोगले यसअघि उजुरीका लागि ०७३ साल बैशाख ५ गतेदेखि असार २ गतेसम्मको समय तोकेको थियो । पीडित पक्षबाट उजुरी संकलनका लागि म्याद थप गर्न माग भएपछि आयोगले एक महिना समय थप गरेको बताइएको छ ।

दुई महिनामा आयोगमा हत्या, यौन शोषण तथा दुर्व्यवहार, कुटपिट र गम्भीर प्रकारका मानवअधिकार उल्लंघन भएको भन्दै ३३ हजार ५ सय ८९ वटा उजुरी परिसकेका छन् ।