कैलालीमा गहुँ उत्पादन बड्यो

विष्णु जोशि

कैलालीमा यसबर्ष ५ प्रतिशत अर्थात ५ हजार ८ सय ६५ मेट्रिक टनले गहँु उत्पादनमा वृद्धि हुने जिल्ला कृषि विकास कार्यालय कैलालीले अनुमान गरेको छ । गत वर्ष १ लाख १४ हजार ८ सय ८५ मेट्रिकटन गहु उत्पादन भएकोमा यस वर्ष १ लाख २० हजार ७ सय ५० मेट्रिकटन गहु उत्पादन हुने अनुमान गरिएको जिल्ला कृषि विकास कार्यालय कैलालीका वरिष्ठ कृषि विकास अधिकृत युवराज पाण्डेले बताएका छन् ।

कैलाली जिल्लामा ३४ हजार ५ सय हेक्टर जमिनमा गहु खेती गरिदै आएको छ । यस बर्ष मौसमले साथ दिएका कारण गहु उत्पादनमा वृद्धि हुने अनुमान गरिएको हो । त्यस्तै, गत वर्ष भारतीय नाकाबन्दीका कारण समयमै किसानले मल तथा पेट्रोल नपाउनु, असिनापानी पर्नुे, तातो हावा चलेका कारण गहु उत्पादनमा कमि आएको तर, यो वर्ष भने मौसमले साथ दिएका कारण गहु उत्पादनमा ५ प्रतिशतले बृद्धि हुने पोण्डेयले बताएका छन् । कैलालीले समग्र देशमा गहु उत्पादनमा ३ देखि ५ प्रतिशत हिस्सा ओगट्ने गरेको छ ।