धेरै रिसाउँदा यस्तो नकारात्मक असर पर्न सक्छ..

रिसले कसैलाई लाभ गर्दैन । रिस मानिसको सबैभन्दा ठुलो शत्रु रहेको कुरा धर्म शास्त्रदेखि विज्ञान सबैले मानेको र पुष्टी भएको कुरा हो । आफ्नो रिसलाई सही तरिकाले नियन्त्रण नगरे यसले हामीलाई विनाश र नकरात्मकतातर्पm धकेल्छ ।

रिसले केवल परिवार, साथीभाइ र आफन्तमा मात्र नभई समाज र स्वयम् व्यक्तिलाई पनि असर गर्छ । यसले सम्बन्ध विगार्नेदेखि शत्रुता बढाउने जस्ता काम गर्छन् । यसले यसरी सामाजिक र बाहिय असर मात्र नगरेर व्यक्तिको स्वास्थ्यमा पनि ठूलै प्रभाव पार्छ ।

रिसाएपछि शरीरमा पर्ने असरहरू निम्न छन्ः

– लगातार रिसाउँदा पाचन प्रणालीमा नराम्रो असर पर्छ,

– पाचनतन्त्र कमजोर हुनका साथै एसिडिटी, कब्जियत, भोक नलाग्ने समस्या आउँछ,

– रिसले अनिन्द्राको समस्या निम्त्याउँछ,

– धेरै रिसाउने मानिसको आयु कम हुन्छ,

– रिसाएको समयमा मस्तिष्कमा बन्ने रासायनिक तत्त्वले शरीर तथा मस्तिष्कमा असर गर्छ,

– रिसाउँदा आँखा रातो हुन्छ, अनि मुटुमा पनि जलन हुन्छ,

– रिसले मानिसको रक्तचाप उच्च हुन्छ,

– रिसाएको मानिसमा आक्रामक भावना चरममा हुन्छ । जसको नियन्त्रण नभए घातक हुन्छ,

– रिसले सोच–विचारको शक्ति कमजोर हुन्छ,

– यसले तनाव बढाउँछ ।