इजरायलमा रहेको नेपाली दूतावासले भन्योः १० विद्यार्थीको शव नेपाल फर्काउन सरकारले प्रक्रिया थालेको छ

काठमाडौं । गत शनिबार भएको प्यालेस्टाइनी विद्रोही समूह हमासको आक्रमणमा परेर ज्यान गुमाएका १० जना नेपाली विद्यार्थीको शव नेपाल फर्काउन इजरायली सरकारले पक्रिया आरम्भ गरेको छ ।

शुक्रबार इजरायलमा रहेको नेपाली दूतावासले एक विज्ञप्ति जारी गर्दै यस्तो जानकारी दिएको हो । दूतावासका अनुसार इजरायलमा बाट बिहीबार २५४ जना नेपाली नागरिकहरुको उद्धार गरी नेपाल एअरलाइन्सको चार्टर्ड उडानमार्फत् स्वदेश फर्काइएको छ । नेपाली विद्यार्थीहरुलाई लिन मा परराष्ट्रमन्त्री एनपी साउद र परराष्ट्र मन्त्रालयका सहसचिव शरदराज आरण ईजरायल पुगेका थिए ।

स्वदेश फर्किन थप २०० जना नेपालीलो फारम भरेका छन् । नेपाल फर्कन बाँकी रहेका नेपाली नागरिकहरुलाई पनि क्रमशः फर्कन सहजीकरण गर्ने प्रकृया सुरु गरिएको दूतावासले जनाएको छ ।

हमास समुहको आक्रमणबाट घाइते भई उपचारको क्रममा रहेका ४ जनामध्ये २ दिन अघि डिस्चार्ज भएका १ जनालाई बिहीबारकै उडानमार्फत् नेपाल पठाइएको छ । उपचाररत अर्को १ जना अस्पतालबाट डिस्चार्जका क्रममा रहेको र अन्य २ जनाको उपचार भइरहेको दूतावासले जनाएको छ ।

दूतावासका अनुसार इजरायलका उच्चस्तरीय निकायका पदाधिकारीहरुलाई हराइरहेका १ जना नेपाली विद्यार्थीको खोजीकार्यमा तीव्रता दिन पुनः अनुरोध गरिएको छ । जसमा विपिन जोशी हालसम्म पनि वेपत्तिा रहेका छन् ।

निधन भएका १० नेपाली विद्यार्थीहरुको शव सम्बन्धी कार्य इजरायल सरकारको नियम तथा प्रकृया बमोजिम इजरायलका सम्बन्धित निकायबाट भइरहेको जानकारी समेत तेल अविव मा रहेको नेपाली दूतावासले जानकारी दिएको छ ।